UKKCA കലാമേള വർണ്ണഭംഗിയോടെ സമാപിച്ചു. ബർമിങ്ഹാം യൂണിറ്റ് ഓവറോൾ ചാമ്പ്യൻ :

UKKCA യുടെ ആഭിമുഖ്യത്തിൽ ഇദംപ്രഥമായി നടത്തപ്പെട്ട കലാമേള വർണ്ണഭംഗിയോടെ സമാപിച്ചു. യു.കെയുടെ വിവിധ ഭാഗങ്ങളിൽ നിന്നും എത്തിയ നൂറുകണക്കിനു കലാകകാരന്മാരും, കലാകാരികളും കവൻട്രിയയിലെ സ്റ്റോണൽ പാർക്കിലെ അരങ്ങത്ത് അത്ഭുതങ്ങൾ വിരിയിച്ച. കലയുടെ കേളീകേന്ദ്രമായ മലയാള മണ്ണിൽ നിന്നും ഒപ്പിയെടുത്ത കലാപ്രകടനങ്ങളും, പുരാതനകലകളും പ്രവാസി മണ്ണിൽ പരിപോഷിപ്പിക്കുക എന്ന സന്ദേശത്തോടുകൂടിയാണ് UKKCAയുടെ നേതൃത്വത്തിൽ കലാമേള സംഘടിപ്പിച്ചത്. കേരള സംസ്ഥാന സ്കൂൾ കലോല്സവത്തിനുപോലും കിടപിടിക്കുന്ന നൃത്തനൃത്ത്യങ്ങളും, ഗാനങ്ങളും, പ്രസംഗങ്ങൾക്കൊണ്ടും സമ്പുഷ്ടമായ കലാമേള യു.കെയുടെ ക്നാനായ സമുദായത്തിന്റെ ചരിത്രത്തിൽ മറ്റൊരു അദ്ധ്യായം കൂടി എഴുതിച്ചേർക്കപ്പെട്ടിരിക്കുകയാണ്.
ജനപങ്കാളിതംകൊണ്ടും, യൂനിറ്റുകളുടെ സമൃദ്ധമായ കലാമേള ജനഹൃദയങ്ങളിലേക്ക് ചെന്നുകഴിഞ്ഞിരിക്കുകയാണ്. മത്സരാർത്ഥികളുടെ ആഴ്ചൾ നീണ്ട കഠിനപരിശ്രമവും, സർവോപവരി സംഘടനകളുടെ ചിട്ടയായ പ്രവർത്തനങ്ങളുമാണ് കലാമേളയുടെ വിജയത്തിലേക്ക് നയിച്ചത്.സ്റ്റോണൽ പാർക്കിൽ രാവിലെ ആരംഭിച്ച കലാമേള ക്നാനായ കണ്‍വെൻഷന്റെ പ്രേതീതി ജനിപ്പിച്ചു. താളവും മേളവും ഒത്തുചേ൪ന്ന് കാണികളുടെ കണ്ണുകളെ കോൾമയിർകൊള്ളിച്ച കലാമേളക്ക് വൈകിട്ട് 8.30-ന് പര്യവസാനിച്ചു. കേരളസംസ്കാരവും ക്നാനായ പൌരാണിക സംസ്കാരവും പാശ്ചാത്യ സംസ്കാരവും ചാലിച്ച് ചേർത്ത് രൂപപ്പെടുത്തയെടുത്ത കലാമേള യു.കെ ക്നാനായ മക്കളിൽ പുത്തൻ ഉന്മേഷവും ഉണർവും നൽകിയിരിക്കുകയാണ്.